العنابه بالارجل وطريقه عمل بالبدكير والمناكير بالصور

موضوعي .. يتكلم عن العناية ( المعروف بالبديكير والمناكير

طبعا اعرف الكثير يحبوه منهم يسيروا صالونات مثل حضرتنا
والبعض ما شاء الله العدة كاملة والتعديل والتزبيط شاطرين فيه ..

من فترة وانا اقول خليني اجمع العدة وارتب لحالي بدون مصاريف..
رغم اني اسير في الشهر مرة والباقي اخذه قص وترتيب على السريع
وترتيب الله يستر عليه

المهم عشان ما اطيح جرجرة قلت بطرح موضوعي مخصص لعنايتي وان شاء الله تستمتعوا بالموضوع معي ..

المشهد الاول :
حالتي بالزبط
رجولي : اعاني من كعوب جافه لدرجة التشقق
ويتصلحوا بعد زيارة الصالون وجم يوم وترد الحالة
يديني : الحمدلله ما اعاني من شي .. اظافري حلوة الحمدلله وما شاء الله
والسبب اني احب اشرب حليب قبل النوم وهالشي الي شجعتني فيه الي تعمل لي اظافري تقول استمري على الحليب ...!!

طبعا بوريكم الادوات الي عندي وبليز ترا الخطوات الي اسويها ما متقنه
فما راح اشرحهها لاني استعملها بين فترة وفترة وما زلت اروح الصالون
بس كاني اخذ دروس واتعلم عشان اضبط بروحي

ادواتي ...
العدة منهم من النزيه ومنهم من محل يبيع منتجات من الفلبين

-مقص الاظافر هدية كانت في حقيبة من احدي الشركات الي بالداوم
وللاسف هي مرتين اهدونا والكواليتي مالتهم حلوة
-الفرشة اتوقع من محل عادي بتحصلوهم في النزيه +دايسو والسوبر ماركت
-شايفين مقص ازاله الجلد وفوقه الي عليه خشب هذولا
من محل الفلبيني اشتريتهم لان النزيه رافع السعر لانه ماركةوبعد فترة حصلتهم بكارفور ..
-في اداوت ازالة الجلد هذيلا عندي من عمر من يوم ما فتح النزيه اشتريتهم
وللحين باقين رغم انهم رخاص,,
- المبرد اكيد بتحصلوهم بكل مكان هذا من كارفور

- كنت بعد كل استعمال وتعقيم وتنظيف احطهم بكيس بلاسيتك
والف فوطة عليهم كذا ..

- اختي كانت مشترية علب شاي بنكهات وشكل العلب كيوت بعد ما قضينا عليهم خذيت العلب ونظفتهم زين وحسيتهم كيوت لسوالف التخزين للادوات

هذيلا مبارد هدايا وواحد من بودي شوب للتلميع روعه بنات
العلبة الثانية قلت بحط مثل هالنوع

السوائل :
- مزيل النيل بولش مهم عندي للاسف هذا كان النوع الي يكون شكله اقتصادي
الواحد ينغر فيه ابدا تنظيفه مب
كويس واضطر اشتري انواع ثانية بس لانه ممكن يشيل الاشياء الخفيفة ما زال
عندي .. ( طبعا الكل عارف الخالي من الانستون احسن..)
- مخصص لازالة الجلد الميت ويطري الجلد لازلته بسهولة
تحصلوه ( في النزيه +كارفور+وبعض الصيدليات ) هالنوع حسيته حلو
وفي منه لون ابيض خذيته من محل يشبه النزيه
الاهمية :
اكيد مهم ان يكون عندنا انواع لمزيلات لاظافر خاصة اذا من النوع الي نحط
ونشكل الاظافر لازم يكون المزيل قوي لازالتها خاصة اذا تحطون الوان فيها
جلتير وهي الاصعب بنظري وتلعوز الدنيا لازم يكون في نوع متخصص للازالتها ,,

ومهم يكون عندنا السائل الثاني لانه يساعد على تظرية وتنعيم
واخر مرة وحده قالت له معقم بس ما متاكده نفس السائل او هو نوع ثاني يشبه !!

طبعا لان الاحجام كبيرة ما شاء الله حصلت لهم عبوات زجاجية فرغتهم ونظفتهم
وعبيت السائلين حتى اقدر احطهم ببسلة وحده
الصور تحكي

ورتبتهم في سلة بلاستيك عشان تكون سهل علي انظفها

نجي .. لنوع القطن طبعا كل وحده والي تحبه انا اشتريت الدوائر المسطحة
تبع الوجه احسهم اسهل +بس مرة احتجت لقطن وحصلت قدامي النوع الاشهر والقديم ابو كررات وحسيتهم بعد مريحين وقلت ادلعهم
حطيتهم في اناء كبير

خلصنا من المشهد الاول ..

المشهد الثاني : الرجل وما ادراك ما الرجل
طبعا العناية فيها ضرورية جدا جدا كل وحده ولها طريقتها
ولها اداوتها

بس اهم شي ما نهملها ..<< ..
مثل ما كتبت رجلي اعاني منها الكعوب وبعض التجرحات احيانا بس ضروري انتظم على طريقة والحمدلله اشوف التحسن فيها

تعرفون هالسائل الي اتكلمت عنه فوق

السائل الوردي .. ممكن تحطوه في قطنه وتمسحون على الكعوب وممكن تحطون منه شوي في مغطس وتغطسون الرجل وممكن ترشون اذا حطيتو السائل بمرشة

لانه مهمته انه يطري الجلد بس احسن طريقة التغطيس

نجي لطريقة ثانية اذا ما عندكم منه ,, سهلة
- طشت بلاستيك
- ماي دافي
- ديتول للتعقيم
- ماي ورد ( اختياري)
- وصابون استحمام
-ممكن تحطوا شوي من ملح يوكو ( بتحصلوه في كارفور)

وتحطوا الارجل 10 دقايق وبعد التدليك عشان تتظري الجلد عدل مدل

وبعدها تستخدموا المبرد المخصص لازالة الجلد بالرجل
والافضل من بودي شوب او من ماركة scholl

العنابه بالارجل وطريقه عمل بالبدكير والمناكير بالصور 01320211340

فعلا تنظف واذا وحده مجربتنها بتشوف كيف الجلد ينزل ..

وانا احيانا اعتمد على هالطريقة

- احط ماي دافي
- ديتول
وبعدها اغسل واغير الماي لدافي ويكون نظيف
وبعدها استعمل هالسكرب من ايفون حبيبات ناعمة وطري الرجل

طبعا التنشيف يكون كامل الرجل واهم شي بين الاصابع بنوتات

طبعا الي على اليمين - هو السكرب ومبين انه من الكرز
الي جنبه - البرافين شمع البرافين الي تسويه الصالونات
ويكون غالي هذا استخدامي له نادر جدا
وطريقته ان بعد ما الخطوات السابقة
تدهني فيه رجلك وبعدها تلفي بفوطة ساخنة وتتركيه
.. وما اقدر اقول تجربتي لاني ما استخدمه كثير لانه يبغاله شغله ثانية
بس البرافين حلووو في جميع الاحوال

طبعا بعد برد الجلد من الرجل ارجع استخدم هالنوعين
من ماركة scholl

-اليمين: مادة روعه كانه شي معدني يقشر الكعب بطريقة
وطبعا احسن تكون الجلد طري لانه بيقشر بقوة وطبعا
انصح فيه بقوة واتمنى الي ما جربته تجربه
بس هو مخصص للكعب لان الجلد يكون قاسي والي تعاني منه !!

- الي جنبه : هذا روعه حتى حريته منعشة وتقدروا تستخدموا بشكل يومي
ما يضر بالعكس حبيباته ناعمة وتطري وتنظف الجلد كويس وتقدر تستخدموا
على كامل الرجل

» اخر اخبار ميدان التحرير بالصور
» كمال أجسام السيدات بالصور أتفرجوا علي الحلاوة